Årets julekort og Dagmar

Etter tre dagar på hytta er vi no tilbake på Skodje. På grunn av Dagmar tok jula ei heilomvending... Lille julaftan lova så bra, med masse nysnø og fint vèr! Skikkeleg julestemning på Strandafjellet. Då vi vakna julaftan var det grått og vått ute. Og i går kom Dagmar og tok frå oss straumen (og er i skrivande stund fortsatt borte). Vegen heim i dag vart ekstra lang; fyrst kjørte vi til Sykkylven, der fergelemmet var smadra og alle fergene innstilte. Måtte snu over til Stranda og ta ferga derifrå. Vi var heldige og måtte kun stå over èi. Ein time seinare var køa tredobla... Ja, så bursdagsfesten vi skulle ha her i dag vart avlyst. Vi krysser fingrane for bedre vèr og kjøreforhald i morga, så tek vi festen då i staden (min kjære og hans tvillingbror blir 33 - hurra!). 

Sett vekk frå Dagmar har vi hatt nokre fine juledagar med familien, masse fine julegåver og deilig mat (må innrømme at det er bittelitt kjipt å vere gravid i jula - all god mat og drikke ein må klare seg utan...). Eg fekk blant anna ein nydeleg alliansering av min kjære:))) Håper dykk alle har hatt fine dagar og ynskjer dykk ei GOD JUL vidare. Her er årets julekort: 

 For dei som lurer har eg laga kortet i Photoshop og framkalt hos Optimalprint (veldig fornøyd med dei!!)

Juleklem frå Marianne